200ല്‍ അധികം തിയേറ്ററുകളില്‍ ‘ഞണ്ടുകള്‍’ക്ക് വമ്പന്‍ റിലീസ്

യുവതാരം നിവിന്‍ പോളി നായകനാകുന്ന ഞണ്ടുകളുടെ നാട്ടില്‍ ഒരിടവേള റിലീസിങ്ങിന് ഒരുങ്ങുകയാണ്. സെപ്തംബര്‍ 1ന് ഓണം റിലീസായാണ് ചിത്രം തിയേറ്ററുകളില്‍ എത്തുക.
200ല്‍ അധികം തിയേറ്ററുകളിലാണ് ഞണ്ടുകളുടെ നാട്ടില്‍ ഒരിടവേള റിലീസ് ചെയ്യുക. ഫാമിലി ചിത്രമായി ഒരുങ്ങുന്ന ഞണ്ടുകളുടെ നാട്ടില്‍ ഒരിടവേളയ്ക്ക് നിവിന്‍ പോളി ആരാധകരും പ്രതീക്ഷയോടെയാണ് കാത്തിരിക്കുന്നത്.

നിവിന്‍ പോളിയ്ക്ക് ഒപ്പം ഐശ്വര്യ ലക്ഷ്മി, ആഹാന കൃഷ്ണ, ലാല്‍, ശാന്തി കൃഷ്ണ, സിജു വില്‍സണ്‍ തുടങ്ങിയവരാണ് ചിത്രത്തില്‍ പ്രധാന വേഷത്തില്‍ എത്തുന്നത്.